ရန်ကုန် မြို့တော် စည်ပင် သာယာရေး နယ်နိမိတ် အတွင်းရှိ ငမိုးရိပ် စံပြ ဈေးကြီးနှင့် အခြားသော ဈေးကြီး အချို့ကို ပြုပြင် ပြောင်းလဲ တည်ဆောက်၍ အဆင့်မြှင့် တင်မှု ပြုလုပ်ရန် အစီအစဉ် မရှိ သေးကြောင်း ရန်ကုန် မြို့တော် စည်ပင် သာယာရေး ကော်မတီ (YCDC) မှ အကြီးတန်း အရာရှိ တစ်ဦးက ပြောကြားသည်။ စံပြဈေး၊ သီရိ မင်္ဂလာဈေး အပါအဝင် ဈေးကြီး အချို့ကို ပြောင်းရွှေ့ ပြုပြင်တည်ဆောက်ခြင်း၊ အဆင့်မြှင့် တင်ခြင်းများ ပြုလုပ်မည်ဟု ပြည်သူများ အကြား သတင်းများ မကြာခဏ ထွက်ပေါ် နေခြင်းနှင့် ပတ်သက်၍ ၄င်းက ယင်းသို့ ပြန်လည် ရှင်းပြခြင်း ဖြစ်သည်။
ဈေးကြီး များကို လတ်တလော တွင် ပြောင်းရွှေ့ခြင်း၊ ဖြိုဖျက်၍ အဆင့်မြှင့် တင်ခြင်း မပြုလုပ သေးသော်လည်း အဓိက ကျသည့် လမ်းမကြီး များ၏ ဘေးရှိ ဈေးပျက်၊ ဈေးဟောင်း များကို အဆင့်မြှင့် တင်မှု တဖြည်းဖြည်း ပြုလုပ် ဆောင်ရွက် သွားမည်ဟု (YCDC) အရာရှိ တစ်ဦးက ဆိုသည်။ ရန်ကုန်မြို့တော် (YCDC) နယ်နိမိတ် အတွင်း အဆင့်မြင့် ဈေးကြီး များနှင့် အခွန် လွတ်ဈေး ၁၁ ဈေး အပါအဝင် ဈေး စုစုပေါင်း ၁၆၈ ဈေးရှိ ကြောင်း (YCDC) ဈေးများ ဌာန၏ စာရင်းများ အရ သိရသည်။
0 comments:
Post a Comment